Louis Liebenberg-saga draai ook in Harties
HARTBEESPOORT – Op 12 Maart 2025 het Pretoria se Batebeslagleggingseenheid (AFU) van die Nasionale Vervolgingsgesag (NVG) ‘n bewaringsbevel in die Pretoriase hooggeregshof verkry om ‘n huis in Hartbeespoort, Noordwes ter waarde van R2,2 miljoen te bewaar wat behoort aan Johannes Jakobus Badenhorst oftewel Hannes Badenhorst en sy vrou, Christelle Badenhorst.
Die huis is in Mei 2022 vir ‘n bedrag van R2,2 miljoen gekoop en geregistreer in die name van Johannes Jakobus Badenhorst, oftewel Hannes Badenhorst, en sy vrou, Christelle Badenhorst, wat steeds in die huis woon.
Ondersoeke deur die AFU het aan die lig gebring dat die fondse wat gebruik is om die eiendom te koop, afkomstig is van Tarioco (Pty) Ltd, wat een van die maatskappye is wat deur Louis Petrus Liebenberg gestig is as deel van die Forever Diamonds and Gold-maatskappyegroep (FDG-groep van maatskappye). Hannes Badenhorst was een van die direkteure van Tarioco.
Hulle het ‘n sindikaat bestuur waar lede van die publiek gelok is om deel te neem aan ‘n Joint Venture-ooreenkoms met die FDG-groep van maatskappye deur diamantpakkies aan te koop, wat vermoedelik deur die FDG-groep van maatskappye verkoop sou word en die winste gedeel sou word. Die gesamentlike ondernemingsvennote is toe hoë opbrengste op hul beleggings belowe.
Bewyse het egter aan die lig gebring dat die skema bedrog was, dat die diamantpakkies nie bestaan het nie, en die beleggers se fondse is gebruik om ‘n myn en eiendomme vir die direkteure te koop. Bewyse het verder onthul dat inkomende beleggers betaal is met die beleggings van bestaande beleggers wat die kenmerk dra van ‘n klassieke Ponzi-skema.
Die huis wat bewaar word, vorm nie deel van die bates waarop die likwidateurs van Tariomix beslag gelê het nie. Die volgende stap is om aansoek te doen vir ‘n finale verbeurd- verklaringsbevel, wanneer dit toegestaan word, sal die huis op openbare veiling verkoop word en die opbrengs in die Kriminele Bates Herwinningsrekening inbetaal word.
Die strafsaak teen die twee en ander het Liebenberg geïmpliseer, en 9 ander se saak sal op 8 Julie 2025 by die Bronkhorstspruit-landdroshof verskyn. Die hoof van die Pretoria AFU advokaat Martin Mafojane verwelkom die bewaringsbevel en wil die publiek verseker dat die AFU steeds daartoe verbind is om opbrengste van misdaad te konfiskeer.
