Trio spanne arresteer drie, gesteelde goedere ter waarde van R2 miljoen gevind
HARTBEESPOORT – Samewerkende pogings deur Brits Trio Taakspan, Operasionele Koördineringsentrum (OCC) en Misdaadintelligensie het vrugte afgewerp toe ’n gekaapte vragmotor, sleepwa en goedere ter waarde van meer as R2 miljoen op Donderdagaand, 23 Januarie 2025 teruggevind is.
Die sukses is behaal nadat die Bojanala-distriksmisdaadintelligensie inligting wat ontvang is oor aktiwiteite van ‘n groep wat van vragmotorkapings verdink is, opgevolg het. Die span het vir ‘n paar dae ‘n stoor by Rietfontein, naby Hartbeespoortdam, waargeneem totdat ‘n vragmotor wat ‘n sleepwa trek en deur ‘n Toyota-bakkie begelei is, die perseel op Donderdagmiddag, 23 Januarie 2025 opgemerk is wat die perseel binnekom.
Verdere waarneming het gelei tot die arrestasie van drie verdagtes , wat gevind is met behulp van ‘n vurkhyser om goedere van die sleepwa af te laai. ‘n Soektog rondom die plek het gelei tot die ontdekking van ‘n seinjammer.
Die vasberade spanlede het hard gewerk om die wettige eienaar van die sleepwa en goedere op te spoor nadat vasgestel is dat dit vroeër vandeesmaand in Olievenhoutbosch, Gauteng provinsie, gekaap is.
Die verdagtes, onderskeidelik 20, 24 en 36 jaar oud, sal na verwagting Maandag, 27 Januarie 2025 in die Brits-landdroshof verskyn vir die besit van vermoedelik gesteelde goedere.
Die waarnemende provinsiale kommissaris van Noordwes, generaal-majoor Patrick Asaneng, het die span geloof vir ‘n puik werk sowel as deurlopende en samewerkende pogings in die bekamping van misdaad.
