BREAKING NEWS: Tregterwolk reg in ons midde gewaar
BRITS – Tregterwolke is nie n rare verskynsel nie, maar is dalk die eerste vir Brits. Woensdagmiddag omstreeks 15h00, was n foto geneem vanaf die ou Tan’Malie se Winkel naby die Hartbeespoort damwal na Hernic myn se rigting, van ‘n ‘funnel cloud’ oftewel ‘n tregterwolk wat vlugtig gevorm het. Die tregterwolk het gevorm gedurende die donderstorm wat deur dele van die gemeenskap beweeg het. Na ‘n paar minute het dit weer verdwyn.
Om die verskil tussen ‘n tregterwolk en ‘n tornado te verstaan, is dit noodsaaklik om die eienskappe van elkeen te ken:
Tregterwolk: ‘n Tregterwolk is ‘n keëlvormige wolk wat van die basis van ‘n donderstorm na die grond strek, maar nie daaraan raak nie. Dit word geassosieer met ‘n roterende lugkolom en kan ‘n voorloper van ‘n tornado wees. Tregterwolke word op dieselfde manier as tornado’s gevorm, rondom ‘n gebied met intense lae druk, en word tipies met cumulonimbus-donderwolke geassosieer.
Tornado: ‘n Tornado, aan die ander kant, is ‘n gewelddadig roterende lugkolom wat vanaf die basis van ‘n donderstorm na die grond strek. Dit word gekenmerk deur hoë windsnelhede en kan aansienlike skade aanrig. ’n Tornado vorm wanneer ’n tregterwolk kontak maak met die grond.
Die belangrikste verskille tussen ‘n tregterwolk en ‘n tornado is:
• Grondkontak: ‘n Tregterwolk raak nie die grond nie, terwyl ‘n tornado wel.
• Rotasie: Beide tregterwolke en tornado’s roteer, maar ‘n tornado se rotasie is tipies meer uitgesproke en strek vanaf die wolkbasis na die grond.
• Skade: Tregterwolke veroorsaak nie skade nie, terwyl tornado’s aansienlike skade kan veroorsaak weens hul hoë windsnelhede.
