Voertuig jaag in boom vas op Sonop pad, een beseer
SONOP – Sondag het ‘n enkelvoertuig ongeluk op die Sonoppad plaasgevind toe die bestuurder beheer oor die voertuig verloor en met ‘n boom langs die pad gebots het.
Die voorval het daartoe gelei dat een individu matige beserings opgedoen het. Die H.E.M.S span het dadelik op die toneel gereageer. Die beseerde persoon is op die toneel gestabiliseer voordat hy na ‘n hospitaal in Brits vervoer is vir verdere mediese sorg. Owerhede ondersoek tans die oorsaak van die ongeluk.
