Een sterf, drie beseer toe motor rol op N4

BRITS – Die H.E.M.S span saam met Station 21 Fire & Rescue het gereageer op ‘n enkele voertuig omrol ongeluk op die N4 Bakwena snelweg wat gelei het tot die dood van een en beserings van drie ander. Berigte van die toneel dui daarop dat ‘n band gebars het, en die bestuurder het beheer oor die voertuig verloor, wat daartoe gelei het dat die voertuig omgeslaan het.

Drie pasiënte is op die toneel behandel en na ‘n hospitaal in Brits vervoer vir verdere behandeling. Ongelukkig is een persoon op die toneel dood verklaar, ons innige meegevoel aand die familie en vriende.