Bakkie maak ongeluk terwyl slagoffer hospitaal toe gehaas word
CANELANDS – ‘n Wit Colt-bakkie wat ‘n mes steekslagoffer na die hospitaal vervoer het, het in ‘n silwer Datsun Go by die Vincent Dickenson & Old Main Road-kruising gebots. RUSA-reaksiebeamptes het op die toneel opgedaag en een individu van die bakkie ontdek wat baie gebloei het van ‘n steekwond aan sy linkerarm.
Die insittendes van die voertuig was onder die invloed van alkohol. Die bestuurder het voor die aankoms van die reaksiebeamptes te voet van die toneel gevlug. Daar is vasgestel dat die insittendes van die bakkie ‘n sokkerwedstryd by die Canelands-sokkergronde bygewoon het. ’n Stryery het daartoe gelei dat een van die mans met ’n mes gesteek is. Besonderhede rondom die onderonsie kon nie vasgestel word nie.
Die beseerde man is in die bakkie gelaai en is hospitaal toe vervoer en het by die kruising in ‘n silwer Datsun Go gebots. Die bestuurder van die bakkie het weggery, maar die voertuig ‘n paar meter verder laat vaar en te voet gevlug. Die beseerde man het noodhulp op die toneel ontvang. Die insittendes van die Datsun Go is nie beseer nie.
