Sindikaat betrokke by kragkabel diefstal gearresteer

GLENVISTA – ‘n Verdagte Toyota Quantum is in die loop van vanoggend deur reaksie-eenhede opgemerk in ‘n veld in die Liefde en Vrede area. Die reaksie span het gesien hoe elektriese kabels in die taxi gelaai word. Daar was dadelik hulp ontbied vanaf die ander reaksie spanne in die area.

Met die aankoms van die reaksiebeamptes is ongeveer 10-12 verdagtes te voet gevlug en in die veldgebied in verdwyn. Die reasksie span het agternagesit en gelukkig een van die verdagtes aangekeer. Gesteelde kabels, snytoerusting en die wegkomvoertuig is op die toneel teruggevind.

Daar word geglo dit is dieselfde sindikaat wat die Glenvista/Mulbarton- en Liefde en Vrede-gemeenskap geterroriseer het met betrekking tot kabeldiefstal en kragonderbrekings. Mondeor SAPD is gekontak en die toneel is aan hulle oorhandig. Welgedaan aan die reaksiebeamptes met die arrestasie.