Hokkie: H/S Zwartkop reik uit na L/S Sanddrift

BRITS – Op Vrydag, 14 Junie, het die Hoërskool Zwartkop die voorreg gehad om na Laerskool Sanddrift uit te reik en vir hulle ‘n hokkiekliniek aan te bied.

Dit was ‘n heerlike geleentheid om saam met die leerders van Sanddrift te kuier en Zwartkop se liefde vir hokkie met hulle te deel. Die Hoërskool Zwartkop wens Laerskool Sanddrift alle sterkte toe met hulle opkomende hokkieseisoen. Mag julle sukses behaal en die lekker van die hokkie ten volle ervaar!