Polisie slaan toe, veertig onwettige immigrante gearresteer
SANDTON – Op Vrydag, het die polisie van die Gautengse Georganiseerde Misdaad-ondersoekeenheid meer as veertig vermeende onwettige immigrante gearresteer ná die ontdekking van ‘n huis in Sandton waar vervalste sim-kaarte vervaardig word.
Die polisie het inligting ontvang oor ‘n huis in Sandton waar kriminele aktiwiteite plaasvind. Die lede van die Gautengse ondersoekeenheid vir georganiseerde misdaad het die inligting geoperasionaliseer en op die huis toegeslaan.
Met hul aankoms het hulle meer as veertig vermeende onwettige immigrante van tussen 17 en 36 jaar gevind. Verdere ondersoek het die polisie na ‘n motorhuis en agterkamer gelei waar duisende simkaarte van alle Suid-Afrikaanse selfoonnetwerke en ‘n aansienlike aantal rekenaars gevind is.
Daar word vermoed dat al die simkaarte vanaf die perseel vervaardig word. Tegnici van van die selfoonnetwerke is na die toneel ontbied waar hulle bevestig het dat die simkaarte ’n nabootsing is. Drie-en-veertig vermeende onwettige immigrante en twee Suid-Afrikaners is gearresteer. Hulle staan tereg op aanklagte wat die Wet op Oortreding van Kubermisdaad, Bedrog en onwettige immigrante insluit. Nog verdagtes kan in hegtenis geneem word hangende verdere ondersoek.
