Motor afgeskryf nadat dit in trok vasjaag

BRITS – ‘n Ongeluk tussen voertuig en vragmotor het gelei tot matige beserings vir een motoris. Die H.E.M.S span saam met Station 21 Fire & Rescue het gereageer op ‘n ongeluk op die N4 Bakwena-hoofweg. Een pasiënt met matige beserings is op die toneel behandel en na ‘n hospitaal in Brits vervoer vir verdere behandeling. Baie dankie aan H.E.M.S vir die vinnige reaksie na die toneel asook beheer en skoonmaak!