Laerskool Brits: o/11A-Netbalspan uitslae

BRITS – Die o/11A-netbalspan van Laerskool Brits het ‘n merkwaardige dag op die netbalbaan beleef tydens vandag se “Best Schools” toernooi. In die finale wedstryd het hulle te staan gekom teen GHS en ‘n spannende wedstryd met ‘n eindtelling van 6-3 verloor. Die span het hul beste gegee en dit was duidelik dat hulle met toewyding en spanwerk gespeel het.

In hul poelwedstryde het die o/11A-span twee oorwinnings en twee nederlae behaal, wat hul deursettingsvermoë en vaardighede op die veld duidelik toon. Elke speler het ‘n waardevolle bydrae gelewer en het die skool trots gemaak. Baie geluk aan die afrigters en ouers met julle kinders se puik prestasie.