Sleepwa wat losbreek laat voertuig omrol

BRITS – Donderdag het die HEMS span gereageer op ‘n ongeluk op die R511 net buite Brits. Die sleepwa van ‘n voertuig het losgebreek, wat ‘n ander voertuig laat omrol het.

Een minderjarige pasiënt is met ernstige beserings gevind. Die pasiënt is op die toneel behandel en na ‘n hospitaal in Brits vervoer.

Weens die erns van die pasiëntbeserings is sy met ‘n mediese noodhelikopter na ‘n fasiliteit in Johannesburg vervoer. Baie dankie aan almal wat op die toneel was vir beheer en skoonmaak.